Tolosaldea Buseko langileak hilaren 24ean betetzen dute sei hilabete greban eta honek galera handiak sorrarazten ditu. “Herri txiki eta jende helduz beteriko eskualdea da hau. Gutxieneko zerbitzuak egon arren badaude egun osoaren zehar zerbitzu bakarra duten udalerriak eta egoera ez da hobetzen”, adierazi du ELAko ordezkaria den Ana Alkortak.
Diputazioaren egoitzaren aurrean langileoi elkartasuna adierazteko eta erakunde publikoaren jarrera salatzeko Txiki Muñoz ELAko idazkari nagusia egon da.
Sindikatuak azpimarratzen duenez garraioaren errealitatea ikustea besterik ez dago Tolosaldea Buseko langileen lan baldintzak “okerragoak” direla adierazteko. Beraz, akordio berri batera iristeko negoziatzen hastea eskatzen dute.
Deja un comentario