viernes 29 de mayo de 2020
FacebookTwitterInstagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SURF . SUCESOS . EL TIEMPO . AGENDA
BLOGS: MODA / MÚSICA / CULTURA VASCA / AUTOCARAVANISMO
Logo
## Agenda Kutxa
TODAS LAS NOTICIAS
El Concurso ESME a la mejor idea empresarial de DBS culmina en youtube su XXIX edición
## DonostiTxikia
TODAS LAS NOTICIAS
¿Qué es un niño malo?
## Lo + visto
DE LA SEMANA
Foru Aldundia

Aurrekontu Irekiak: Foru Aldundiaren 1,2 milioiak banatzeko ordua

Eider Mendoza, Gobernantzako foru diputatua eta Joseba Muxika, Herritarren Partaidetzarako foru zuzendaria. Argazkia: Gipuzkoako Foru Aldundia
13 Ene.20
Tiempo de lectura: 2 minutos
Archivado en:
Urtarrilak 21 hasiko da bozketa, hamabi proiektu daude eta 16 urtetik gorako pertsona guztiek parte hartu ahal izango dute

Gipuzkoako Foru Aldundiaren 2020ko aurrekontu irekiek hasiera emango diote fase berri bati datorren urtarrilaren 21ean. Egun horretatik aurrera, eta otsailaren 7ra arte, gipuzkoarrek aukeratu beharko dute zein proiektu finantzatu 12 ekimeneko zerrenda batetik, guztira 1,2 milioiko diru kopuruarekin.

Eider Mendoza Gobernantzako foru diputatuak agerraldia egin du gaur, ekimenaren xehetasunak emateko, eta Joseba Muxika Herritarren Partaidetzarako foru zuzendariarekin batera azaldu du aurrekontu irekien ekimenaren helburuak bat datozela Herritarren Partaidetzari buruzko 5/2018 Foru Arauarenekin, bai eta Etorkizuna Eraikiz ekimenaren helburuekin ere: herritarren parte hartzea bultzatzea gaurko eta biharko Gipuzkoak dituen erronketarako irtenbideak bilatzeko. 

Foru Aldundiaren 2019ko aurrekontu irekien prozesuan 290.000 galdetegi banatu ziren etxez etxe, eta 12 topaketa egin ziren 471 pertsonek parte hartuz guztira. Ondorioz, 1.083 ekarpen jaso zituzten. Azken hilabeteetan, Aldundiak gipuzkoarren proposamen horien gainean lan egin du, eta 12 proiektu edo ekimeneko zerrenda bat osatu du. Proiektu edo ekimen horiek herritarren esku jarriko dira berriro ere, horietatik zein finantzatu erabakitzeko.

Hautaketa fasea datorren urtarrilaren 21ean hasiko da, eta otsailaren 7an amaituko da. Bertan, Gipuzkoako udalerriren batean erroldatuta dauden 16 urtetik gorako pertsona guztiek parte hartu ahal izango dute, eta 12 proposamenetatik gutxienez proiektu bat eta gehienez ere sei aukeratu beharko dituzte. Parte hartzea inprimaki digitalaren bidez, Foru Aldundiaren webgunean aurkitu ahal izango dena; inprimaki fisikoaren bidez, foru erakundeak datozen egunetan posta arruntaz bidaliko duenaz baliatuta; edo aurrez aurre, Herritarren Informazio eta Arretarako Bulego Nagusian edo udaletako sarrera erregistroetan egin ahal izango da.

Proiektuak
1. Gaixotasun larrien aurkako ikerketa. Minbizia eta alzheimerra bezalako gaixotasunen ikerketa taldeen lanak finantzatzeko dirulaguntzen deialdi irekia. 200.000 euro.
2. Bide berdeak eta bidegorriak seinaleztatzea eta egokitzea. Sentsibilizazio ekintzak egingo dira, eta bide berdeen eta oinezkoentzakoen seinaleztapena egokitzeko eta hobetzeko proiektu pilotua jarriko da martxan. 200.000 euro.
3. Izango zara 2020: Gipuzkoako gazteentzako beka programa. Horrela, atzerrian ikasketak osatzea ahalbidetzen da. 200.000 euro.
4. Indarkeria matxista prebenitzea gazteen artean. Horretarako, belaunaldi berriekin lan egiteko dinamikak jarriko dira martxan ikastetxeetan eta udal mailako ekipamenduetan (ludotekak, gaztelekuak …). 200.000 euro.
5. Gipuzkoako aniztasuna (ber)ezagutzeko espazioak. Horretarako, lurraldeko ikastetxeetan lan egingo da. 200.000 euro.
6. Buruko gaixotasunak dituzten pertsonen aisialdiko eta denbora libreko zerbitzua zabaltzea. Horretarako, egungo zerbitzua zabaldu egingo da, bai jarduera eremu geografikoari dagokionez, bai esku hartzeko ordutegiari dagokionez. 200.000 euro.
7. Gizarte bazterketako egoeran daudenei arreta emateko zentroa. Donostian kokatuko litzateke, eta egoera horretan dauden pertsonentzako 24 plaza izango lituzke. 200.000 euro.
8. Gipuzkoa. Ezagutu bertako ondarea eta historia. Lurraldeak ezkutatzen dituen altxorrak gipuzkoarren artean hobeto ezagutarazteko ekimena. 180.000 euro.
9. Emakumeen artean jarduera fisikoa sustatzea, jarduera fisikoa eta kirola bultzatu eta sustatuko dituzten espazioen, dinamiken eta ekintzen bidez. 200.000 euro.
10. Klima aldaketarekiko konpromisoa. Klimaren inguruan kontzientziatutako herritarren liga bat bultzatzea, gai horren inguruko sentsibilizazioa areagotzeko. 200.000 euro.
11. Tokiko produktuen kontsumoa sustatzea, lehen sektorearekin eta tokiko ekoizleekin partekatutako dinamikak abian jarriz, baita sentsibilizazio kanpainak ere. 200.000 euro.
12. Udal ostatuetan hizkuntza irizpideak finkatzea. 3.000 biztanletik beherako herrietako ostatuetako langileen hizkuntza beharrak ezagutzeko ikerketa. 110.000 euro.

Escribir comentario