23 de septiembre de 2020
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
José María Guibert: “Las tecnologías son un medio para la educación, no un fin”
## DonostiTxikia
TODAS LAS NOTICIAS
Recordando a Ken Robinson
## Lo + visto
DE LA SEMANA

Aldundiak 400.000 euro bideratuko ditu zibersegurtasuna sustatzeko dirulaguntzetara

20 Mar.19
Tiempo de lectura: < 1 minuto
Aurtengo deialdia aurreratu egin da, enpresek eta entitateek beren proiektuak aurkezteko epe zabalagoa izan dezaten

Gipuzkoako Foru Aldundiko Kontseiluak enpresa industrialetan zibersegurtasuna sustatzeko dirulaguntzen programa onartu du gaur, 400.000 euroko zenbatekoarekin. Horietatik, 250.000 euro enpresetan zibersegurtasuna sendotzeko proiektuetara bideratuko dira, eta 150.000 euro arlo horretan ikerketa eta garapena bultzatzeko.

Deialdi honen bitartez, 2018an 18 proiektu bultzatu ziren, 414.042 euroko inbertsioa mugiaraziz. Oinarriak aurki argitaratuko dira GAOn; izan ere, deialdia aurreratu egin da, enpresek eta entitateek beren proiektuak aurkezteko epe zabalagoa izan dezaten.

Gipuzkoako industriaren maila teknologikoa oso nabarmena da, Imanol Lasa Aldundiaren bozeramailearen esanetan, eta “lurralde aurreratua gara” alderdi horretan. Horregatik, “urteko deialdi honen bitartez uztartu nahi ditugu dagoeneko finkatua dagoen errealitate industrial teknologiko hori eta abian den segurtasun teknologikoaren alderdi berria. Gero eta garrantzi handiagoa hartuko du”, ziurtatzen du Lasak.

Halako industria baten ezaugarri nagusietako bat da, hain zuzen ere, fabrikazio ekipoen eta era guztietako sareen arteko konexioa; horren eraginez, funtsezko aldaketa bat gertatu da ekoizteko eran eta barneko balio katea egituratzeko eran. “Beraz, ezinbestekoa da segurtasun neurrietan sakontzea, bai teknologiaren ikuspegitik bai antolaketaren ikuspegitik, zibersegurtasunak enpresan izan behar duen zeregina ahalik eta ondoen kudeatuz”, esan du bozeramaileak.

Gainera, zibersegurtasun industrialaren sektorea hazkunde esponentzialeko fase bat igarotzen ari da une hauetan, “bai negozio zenbatekoetan, bai gertakarietan”, eta Gipuzkoako enpresek leku “nabarmena” dute sektorean, Lasak adierazi duenez. “Beraz, zibersegurtasuna giltzarria da Gipuzkoako industriaren lehiakortasunean. Zibersegurtasunak presente egon behar du produkzio prozesu osoan, eta horretarako, garrantzitsua da katebegirik ahulenak identifikatzea, eta segurtasuna hobetzen duten esku-hartzeei ekitea”.

Escribir comentario