29 de septiembre de 2020
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
José María Guibert: “Las tecnologías son un medio para la educación, no un fin”
## DonostiTxikia
TODAS LAS NOTICIAS
Recordando a Ken Robinson
## Lo + visto
DE LA SEMANA

Asteartean irekiko da Deskargako autobide berria

Deskargako autobidearen projektua. Irudia: Foru Aldundia.
22 Mar.19
Tiempo de lectura: < 1 minuto
Honekin amaituko da Gipuzkoako Biribilgunea delakoa, edukiera handiko errepideen sarea; 5 kilometroko azken zati hau eraikitzeko 25 hilabete eta 43 milioi euroko inbertsioa beharrezkoa izan da

Deskargako autobide berriaren irekierak badu data, Gipuzkoako Foru Aldundiak jakinarazi duenaren arabera: datorren asteartea, martxoak 26. “Irekiera eguerdi aldera izango da, azken prestaketak burutu ondoren”, dio erakundeak. 25 hilabete eta 43 milioi euroko inbertsioa beharrezkoa izan da errepide berria gauzatzeko.

5 kilometroko luzera du zati honek, eta honekin amaitzen da Beasain eta Bergara arteko korridorearen eraikuntza. A-636 izango da errepide berriaren izendapena eta, guztira, 23 kilometro izango ditu, aipatutako bi herrien arteko bidaia 11 minutu eskasetara murriztuz. Gainera, Deskargako zatiarekin osatzen da baita ere Gipuzkoako Biribilgunea delakoa, edukiera handiko errepideen sarea. Azpiegitura honek, guztira, 234,759 kilometro ditu eta, berari esker, lurraldeko herri guztiek izango dute autobidea 15 kilometro baino gutxiagora.

Aurreikuspenen arabera, 9.000 ibilgailu baino gehiago igaroko dira egunero azpiegitura berritik, eta nabarmen hobetuko dira bai lurralde barruko zein kanpoko loturak. Horrela, Deba, Urola Garaia eta Goierriko bailarak beraien artean gerturatuko ditu, eta Gipuzkoako inguruko lurraldeekin dituen konexioak arinagoak izango dira: Deba bailara Nafarroarekin lotuko da Deskargako autobidetik Etzegaraterantz eginez; Goierri eta Urola Garaia, bere aldetik, Bizkaiarekin lotuko dira Deskargatik AP-1 eta AP-8ra igaroz,; eta Arabarekin, Deskargatik AP-1era pasaz.

“Punta-puntako teknikak eta konponbide teknologikoak eskatu dituzte obrek”, gaineratzen du Aldundiak. “Gainera, oso garrantzitsuak izan dira aurretiaz eginiko konponketarako lanak eta azterketa geotekniko sakona”. Instituzioaren ustez, “nabarmentzekoa da baita ere paisaiaren berreskuratzea izango dela proiektuaren beste arlo nagusietako bat, datozen hilabeteetan ikusgai egongo dena”. Azpimarratzekoa da, “berritasun gisa, hainbat tona konpost erabiliko direla, gipuzkoarrek birziklatzeko egindako ahaleginari esker”.

Escribir comentario