18 de septiembre de 2020
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
Deustuko Unibertsitateak ongietorria egin die 1. mailako 2.000 ikasle berriei
## DonostiTxikia
TODAS LAS NOTICIAS
Recordando a Ken Robinson
## Lo + visto
DE LA SEMANA

Astiñeneko zubi berriaren lanak esleitu ditu Udalak, 15 hilabetez luzatuko direnak

04 Dic.18
Tiempo de lectura: < 1 minuto
Azpiegitura berria egungo zubiaren alboan egongo da, eta ez ditu zutaberik izango, Urumearen ibaibiderako mesedegarria gertatuko dena

Astiñeneko zubi berriak, egungo zubia ordezkatuko duen azpiegitura, beste aurrerapauso bat eman du. Donostiako alkatea den Eneko Goiak aditzera eman duenez, Tokiko Gobernu Batzordeak zubi berriaren eraikitzea Construcciones Murias enpresari esleitzea onartu du, 3.022.739 euroren truke. Enpresak 15 hilabetetako epea izango du zubia eraikitzeko. Gogora dezagun egungo zubia hilabete askoz egon zela itxita trafikoarentzat, jasan zituen arrailak bere erabilera debekatzeko modukoak zirelako.

Zubi berriak ez du zutaberik izango eta, ondorioz, ubidea hobetuko da eta, ur-goraldiak izaten direnean, uholdeen arriskua gutxiagoa izango da. Horrenbestez, eta kontuan hartuta Espartxoko zubia ere exekuzio prozesuan dagoela, Urdintzuko zubia izango da Urumeak Donostian duen oztopo hidrauliko bakarra. 

Astiñeneko zubi berria eraikitzeko proiektua LKS Ingenieriak eta Ingenieria Zerok osatzen duten UTE-ak idatzi zuen, eta egungo zubiaren ondoan kokatuko da. Horretarako, Donostiako Udalak Kostaldearen eta Itsasoaren Jasangarritasunaren Zuzendaritza Nagusiari baimena eskatu behar izan zion, itsaso eta lehorraren arteko jabari publikoaren ondasunetatik 1.727 metro karratu okupatzeko.

Escribir comentario