10etatik 14etara bisitatu ahal izango da Easo Plazan. Gainera, objekturen bat erosten duten guztiek bi lagunentzako bazkari edo afari baten zozketa egingo dute
Larunbat honetan Donostiatruk, bigarren eskuko azoka, itzuliko da Easo plazara 10etatik 14etara. Udaleko Osasun eta Inguruen Zuzendaritzak antolatutako azokaren helburua produktuak berrerabiltzea eta hondakinak murriztea da. Gainera, bi lagunentzako bazkaria edo afaria zozketatuko da Egiako Km0 jatetxe begano begarianoan erosketaren bat egiten dutenen artean.
Parte hartzeko, erakusgai dauden objektuak zuzenean eros daitezke. Aitzitik, objektuak saldu nahi badira, 9.30etik 10etara eraman beharko dira antolakuntzaren lanpostura. Behin prezioa finkatuta, gordailatu egiten dira, eta merkatua amaitzean, saldu gabeko dirua edo objektuak jaso beharko dira. Gehienez 5 objektu utz daitezke.
Gainera, salmenta-postu bat jarri nahi izanez gero, aldez aurretik izena eman beharko da. Epea astebete lehenagora arte egongo da zabalik. Izena eman dutenen artean zozketa egingo da eta bihar, asteazkena, jakinaraziko da emaitza.
Donostiatruk osasun-krisiari aurre egiteko prebentzio-neurriekin itzuli da, hala nola postuen kopurua mugatzea, artikuluen manipulazioa saihestea eta jantziak probatzea. Era berean, kontuan hartu beharko da erakusgai dauden produktuak erabili egiten direla, eta, beraz, erosi ondoren desinfektatu egin beharko dira, edo berrogeialdian mantendu beharko dira erabili aurretik.
Lurraldea pandemia egoeran dagoenez, Donostiatruk online bertsio bat ere badu, partikularren bigarren eskuko objetuen erosketa eta salmenta errazteko. Beraz, iragarki bat argitaratu eta objetuak sal daitezke. Aitzitik, behar ez diren objektuak oparitu nahi badira, nolotiro.org orri hau erabil daiteke.
