elkartuk , Gipuzkoako Desgaitasun Fisikoa duten Pertsonen Federazio Koordinatzailea, Elkarbidean programa antolatu du aurten ere, Gipuzkoako Foru Aldundiko Zainketa eta Gizarte Politiketako Departamentuarekin lankidetzan. Programa horren helburua da desgaitasuna duten pertsonen aisialdirako eskubidea bermatzea.
Horren bidez, desgaitasun fisikoa, organikoa edo sentsoriala duten pertsonei zuzendutako hainbat bidaia-txanda eskaintzen dira. Pertsona horiek, programa honengatik ez balitz, ezingo lukete berdintasunez bidaiatu, eta, horretarako, egonaldiak, garraioa eta jarduera irisgarriak, baliabide pertsonaletara egokitutako prezioak eta beharrezko laguntza pertsonal eta teknikoak eskaintzen dira.
Bidaiak eta txandak
2024ko Elkarbidean Programak hurrengo txandak eskaintzen ditu:
ASTURIAS, ekainak 7tik 13ra
SALOU, ekainak 16tik 30era
SALOU, uztailak 6tik 20ra
GRAN CANARIA, abuztuak 17tik 26ra
CALPE, irailak 22tik urriak 6ra
Desgaitasun haundiagoa jasaten duten eta mugikortasun murriztua edota behar bereziko egoerak, adibidez diru-sarrera eskasak, etab., dituztenek lehentasuna izango dute.
2023an 5 txanda ere antolatu ziren, eta desgaitasuna zuten 66 pertsonak, 48 laguntzaile propiok eta elkartuk jarritako 22 laguntzaileek parte hartu zuten. Halaber, % 96,8k oso ontzat edo ontzat jo zuen esperientzia.
Izena eman
Programari buruzko xehetasun gehiago jakiteko (nork eman dezakeen izena, baldintzak, prezioen taula, etab.) eta izena emateko (apirilaren 26ra arte), desgaitasuna duten pertsonek elkartu-ra jo dezakete edo web orrian kontsulta dezakete (www.elkartu.org). Online izena emateko aukera dago, web orriaren beraren bitartez.
Deja un comentario