22 de enero de 2021
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
La respuesta del sector turístico a la crisis, eje central de la X Jornada San Francisco Javier
## DonostiTxikia
TODAS LAS NOTICIAS
Flysch, leyendo la historia de la tierra en Geoparkea

Euskaraldiaren oinarriak ezarri eta “dinamika sozial” berri bat sorrarazteagatik, Pello Jauregik jaso du Abbadia Saria

Gipuzkoako Foru Aldunia. Abbadia sariak. Argazkilaria: Sara Santos ©
01 Dic.20
Por: A. E. / Redacción
Tiempo de lectura: 2 minutos
Archivado en:
Markel Olano: “Euskararen biziberritzeak bizi duen bidegurutzean, elkarlanak, berrikuntzak eta gizarte aktibazioak erakutsi behar digute norabidea”

Pello Jauregi Etxaniz irakasle eta ikerlariak (Donostia, 1958) jaso du 2020ko Abbadia Saria, Euskaraldiaren oinarriak ezarri eta, horrekin batera, “dinamika sozial” berri bat eragiteko gai izateagatik. “Euskararen hedapenerako aukera neurtezinak sortu ditu”, aitortza egin dio Gipuzkoako diputatu nagusiak, epaimahaiaren irizpideak bere eginez, aurtengo omenduaren oroigarria emateko garaian.

“Euskararen erabilera zabaltzeko ahaleginean, azken urteotako berririk pozgarriena dugu Euskaraldia. Batetik, norbere ohiturak aztertzeko eta astintzeko ariketa egingarria eta positiboa proposatzen digulako. Bestetik, konpromiso kolektibo eta partekatu baten bultzada dakarrelako berekin. Euskararen erabilera sustatzeko eta eremu berrietara hedatzeko egitasmo berritzailea eta eraginkorra da”, nabarmendu du Olanok, berau “pentsatu eta garatzeko” garaian Pello Jauregiren ikerlan eta gogoetek izandako garrantzia aitortuz.

Aurtengoa “ezberdina” izaten ari bada ere, diputatu nagusiak irakurketa “positiboa” egin du bigarren edizio honen inguruan. Horretarako, ariguneen sorrerari erreparatu dio –Foru Aldundiko langileek 190 sortu dituzte, 1.140 partaiderekin–, esateko “are eta indar handiagoa” ematen diotela Euskaraldiari. “Lan munduak lehentasunezko esparru behar du, euskararen erabilera sustatzeko garaian, eta hor dinamika berriak sortzeko tresna eskaintzen dute ariguneek, langileen arteko adostasunean eta konfiantzan oinarrituz, gainera”, gehitu du.

Amaitzeko, diputatu nagusiak “esker-ona eta errekonozimendua” adierazi dizkio Pello Jauregiri, “hizkuntza berdintasuna lortzeko” ekinbideak garatzeko garaian egindako “ekarpenengatik” eta “teoriaren eta praktikaren arteko” distantzia hori gainditzeko “etenik gabeko lanagatik”. “Euskararen biziberritzeak bizi duen bidegurutzean, elkarlanak, berrikuntzak eta gizarte aktibazioak erakutsi behar digute iparra. Hori erakusten digu Euskaraldiak eta norabide horri eutsi behar diogu, ilusioz eta determinazio guztiz”, laburbildu du.
Ekitaldi berezia

Pello Jauregi hunkiturik agertu da Abbadia Saria jasotzeko garaian eta esker-onezko hitzak izan ditu Foru Aldundiak eskainitako aitortzagatik, errekonozimendu hori “urte askoan lankide” izan dituen ororekin konpartituz. “Poz ikaragarria da, batetik, egindako lana eta sortutako ideia horiek jendearentzat baliagarriak direla ikusten duzulako. Baina, bestetik eta batez ere, poz berezia egiten dit ikusteak ilusioa berreskuratu dugula, sortu ditugula beste aukera batzuk, beste tresna batzuk, euskararen erabileran aurrera egiteko. Euskararen normalizazioaren partida ulermena unibertsalizatzen denean hasiko da. Oraindik entrenamenduan gabiltza, partida iristen denerako entrenatuta egon behar gara”, gogoeta egin du, Euskaraldia aintzakotzat hartuta.

Ezohikoa izan da 2020ko Abbadia Saria banatzeko ekitaldia, urtero bezala Euskararen Nazioarteko Egunaren atarian Gipuzkoako Foru Aldundiak antolatua. Osasun irizpideak direla medio, publikorik gabe egin dute, baina streaming bidez emititu dute, herritarrentzat eta euskalgintzako kideentzat ikusgarri. Jauregi eta Olanoz gain, hitza hartu dute Kike Amonarrizek, Topaguneko lehendakariak eta 2015eko Abbadia Sariak, eta Estibalitz Alkortak, Eusko Jaurlaritzako Euskara Sustatzeko zuzendariak.

Alos Quartet musika taldearen doinuek eta dantza ikuskizun batek lagunduta, Pello Jauregiren ibilbideari errepaso egin diote guztien artean. Aldi berean, zenbait ikus-entzunezkoren bitartez, ikertzaile donostiarrarekin batera euskara sustatzeko lanean aritu diren eta ari diren hainbat lagun eta adituren testigantza ere ezagutu dugu, baita bere egitasmoen onuradun izandako herritarren gogoetak ere.

Escribir comentario