Donostiak Illunben berriro hartuko duen Eskubaloiko Erreginaren Koparen 47. Edizioak dagoeneko online salgai ditu 2026ko maiatzaren 8tik 10era jokatuko diren zazpi partidak ikusteko abonamenduak.
Antolatzaileek hiru prezio ezarri dituzte eskubaloiko hiru egunak gozatzeko. Helduek 45 euro ordainduko dituzte, gazteenek 25 euro (2011ko urtarrilaren 1etik aurrera jaiotakoak), eta pista gertukoak prezio bakarra dute, 65 euro alegia.
Goizane Álvarez, Kultura eta Kiroletako diputatuak «Erreginaren Kopa berriro Gipuzkoara ekartzea departamentuaren eta emakumeen kirolaren aldeko apustu sendoa da, berdintasunaren aldekoa eta gure lurraldea ekitaldi handien antolaketan erreferente gisa sendotzearen aldekoa. Hirugarren aldia da Donostiak lehiaketa hau hartzen duena, eta ziur gaude Illunbe berriro ere Espainiako eskubaloi onenarekin hunkituko dela. Goi-mailako kirol ekitaldiak eskaintzeko prestatuta gaude».
Prozedura
Salmenta online egingo da venta.copadelareina2026.com webgunearen bidez. Prozesua erraza da: lehenik eta behin, interesdunak erabiltzaileen arloan erregistratu behar du, eta, ondoren, ‘Sarrerak ‘atalean abonua hautatu eta animatu nahi duen taldean klik egin. Gaur egun, bi taldek bakarrik dute bermatuta Kopako azken faserako sarbidea: super amara Bera Bera egungo txapeldun eta antolatzaile gisa, eta Replasa Beti Onak txapeldunorde gisa Granollersen egindako azken edizioan (2025eko martxoan). Hauek dagoeneko zehaztuta baitute beren harmaila, eta, beraz, pertsona bakoitzak bere eserlekua izango du dagokion harmailan. Fase finala osatuko duten sei taldeak otsailaren 4an jokatuko den kanporaketatik aterako dira.
Antolatzaileek hiru eguneko abonuak bakarrik jarri dituzte salgai, Illunbera hiru egunetara joatea planteatzen duten pertsonei lehentasuna emate aldera. Hala ere, Kopako azken fasea jokatu aurreko egunetan erosi ahal izango dira maiatzaren 8ko lau partidak ikusteko sarrera. Egun horretan bertan irekiko da finalerdietako eta finaleko partidak erosteko aukera. Ordutegiak oraindik ez daude zehaztuta, baina fasea ostiralean hasiko da, 13ak aldera, eta azken partida 20,30ak inguruan izango da, finalerdiak larunbat arratsaldean izango dira eta finala, antza, 13ak aldera.
Deskontuak
super amara Bera Berako abonatuek % 25eko deskontua izango dute eta bakoitzak bi abonu izango ditu eskura prezio horretan. Gainera, gutxienez 20 pertsona elkartzen dituzten kolektiboek ere deskontu hori izango dute. Horretarako, klubarekin harremanetan jarri behar dira [email protected] helbide elektronikoaren bidez.
Urte hasieran, inplikatutako alde guztiek 2026ko Erreginaren Koparen xehetasunak aurkeztuko dituzte. 2022ko edizioak eta, bereziki, 2024koak arrakasta handia izan zutenez (4.200 pertsona baino gehiago bildu ziren Illunben), antolatzaileek zifra hori gainditzeko erronka ezarri dute 47. edizio honetan.
Zalantzak argitzeko, iradokizunak egiteko edo informazio gehiago nahi izanez gero, idatzi helbide elektroniko honetara: [email protected]
Deja un comentario