Ertzaintzak 53 urteko gizon bat atxilotu du bart gauean GI-2130 errepidean, Elduain inguruan, Andoainen auto bat lapurtzea leporatuta. Gizonak istripua izan du gero auto horrekin, Ertzaintzaren komunikatuak dionez.
Atzo, astelehena, gaueko 22.30ak aldera, Ertzaintzako baliabideek GI-2130 errepidean trafiko-istripu baten berri izan zuten. Lekura iritsi zirenean, agente jarduleek egiaztatu zuten autoa bidean iraulita zegoela.
Baliabideak istripua gertatutako lekua aztertzen ari zirenean, oinez ihes egin zuela eta istripuaren ondorioz hainbat lesio zituen gizon bat aurkitu zuten inguruan. Gertaera ikertu ondoren, egiaztatu zuten istripua izan zuen ibilgailua ordubete lehenago lapurtu zutela Andoainen, eta gidariak ez zuela gidabaimenik. Gainera, bere gauzen artean substantzia sorgorgarriak zeramatzan.
Gizona atxilotu eta Tolosako anbulatoriora eraman zuten zauri arinak tratatzera, eta, ondoren, Ertzaintzaren egoitzara dagozkion polizia-eginbideak hasteko. Arrastatuak polizia-aurrekariak ditu, eta gaur goizean zehar eramango dute Tolosako Guardiako Epaitegira.
