25 de septiembre de 2020
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
José María Guibert: “Las tecnologías son un medio para la educación, no un fin”
## DonostiTxikia
TODAS LAS NOTICIAS
Recordando a Ken Robinson
## Lo + visto
DE LA SEMANA

Jon Darpón Osasun sailburuak dimisioa aurkeztu du

Jon Darpón. Irudia: Eusko Jaurlaritza.
14 Mar.19
Tiempo de lectura: < 1 minuto
Jakin bezala, erabakiaren atzean Osakidetzaren Lan Eskaintza Publikoaren inguruan dauden zalantzak agertzen dira. Urkullu lehendakariak dimisioa onartu du, baita bere ordezkoaren izena azaldu ere: Nekane Murga

Erabakia atzeraezina da: Jon Darponek, azken sei urteotako Eusko Jaurlaritzaren Osasun sailburuak, dimisioa aurkeztu du, berak zuzentzen zuen Osasun Sailak zabaldu duen komunikatu batek jakinarazi izan duen bezala. Beti ohar horren arabera, Iñigo Urkullu lehendakariak onartu egin du dimisioa, eta sailburuari eskerrak eman dizkio, eta esker ona adierazi dio egindako lanagatik.

Aurrerago, Urkulluk galderarik gabeko prentsaurreko baten protagonista izan da, eta bertan Darponen ordezkoaren izena eman du ezagutzera: Nekane Murga, orain arteko Plangintza, Antolamendu eta Ebaluazio Sanitarioko zuzendaria.

Osakidetzaren Lan Eskaintza Publiko (LEP) ospetsua Darponen erabakiaren atzean dagoela ez da sekretu bat. Hau komunikatuan bertan esaten da. “Sailburuak, lehen egunetik, ahalegin pertsonal eta profesional guztia eskaini dio euskal osasun-zerbitzuari, bai eta Eusko Jaurlaritzak herritarrei eskaintzen dien Osasun Plan osoa betetzeari ere. Lehen egunetik, halaber, Osakidetzaren 2016-2017ko Lan Eskaintza Publikoaren antolaketaren eta garapenaren inguruko erantzukizun osoa hartu zuen bere gain”, dio testuak.

“Zortzi hilabete hauetan, zehatz eta gardentasunez jardun du, eta Gobernu Programako konpromisoak betetzeko elkarlanean jardun du. Agerikoa da aurrera egin dela. Baina, egungo egoera politikoak eta datorren martxoaren 21ean gaitzespeneko legez besteko proposamena aurkeztuko dela egiaztatu izanak, dimisioa aurkezteko erabakia ekarri dute”, jarraitzen du oharrak.

Osasun sailburu ohiak eskerrak eman ditu Osasun Sailako taldeak eta Osakidetzak une oro erakutsi dioten konfiantzagatik: “teknikoki gaikuntza handiko eta giza kalitate handiko talde handia”.

Eskertzeak
Komunikatuaren bidez, Darponek argi utzi du “ohore handia izan dela Eusko Jaurlaritzan jardun izana X. eta XI. Legegintzaldietan”. Eskerrak eman dizkie “Osasun Saileko eta Osakidetzako zuzendaritza-kargu guztiei”. Era berean, profesionalen lana goraipatu du, euskal osasun-zerbitzuarekin “konpromisoa duten pertsona kualifikatuena”. Esan du “harro” sentitzen dela “egunero egiten duten lanagatik”, eta babesa erakutsi die.

Halaber, Gobernuko sailburu guztiek emandako babesa eta lankidetza ere aintzatetsi ditu, “bai arrakastadun uneetan, bai zailtasuneko uneetan”. Sailburuak eskerrak eman ditu, bereziki, Lehendakariaren konfiantzagatik, “une oro” erakutsi baitizkio “estimua, errespetua eta begirunea”.

Escribir comentario