Bidebieta eta Herrera auzoek kalistenia eta teqball-a praktikatzeko bi kirol-instalazio berri izango dituzte datozen egunetan. Guneak Auzoko Ahotsak! Ekialdeko Barrutiko haurren partaidetza-foroan landutako proposamenen emaitza dira, eta abenduaren 29an eta 30ean inauguratuko dira.
Ekimenaren bidez, Altza, Bidebieta eta Intxaurrondoko Lehen Hezkuntzako 5. eta 6. mailako ikasleek hainbat hilabetez aztertu dituzte auzoetako kirol-beharrak, udal zerbitzuekin elkarlanean. Proiektua Ekialdeko Barrutiko aurrekontuaren bidez gauzatu da.
Inaugurazio ekitaldiak honako hauek izango dira:
- Kalistenia gunea Bidebietan (Serapio Mujika)
Abenduaren 29an, 11:00etatik 13:00etara.
Erakustaldia: Sergio Ordóñez, kalistenia txapeldun anizkoitza. - Teqball gunea Herreran (Herrera kirol-eremua)
Abenduaren 30ean, 11:00etatik 13:00etara.
Erakustaldia: Álvaro López eta Santiago García, Donostiako Futbolei Kirol Klubaren laguntzarekin.
Bi ekitaldiak Gabonak Zuretzat programazioaren barruan egingo dira, eta hasierako saio praktikoak eta jarduera irekiak eskainiko dira. Gainera, ikasleek beraiek azalduko dute proiektuaren sorrera eta garapena inaugurazioetan.
Deja un comentario