Gaur Gurutze Gorriak ohartarazi duenez aste honetan bi marmoka agertu dira Donostian (zehazki karabela portugaldarrak dira) eta ziztadak arintzeko zein pauso jarraitu behar diren adierazi du.
Gomendatzen dutenez ez da marmokak ziztatu duen gunea ukitu behar, bertan pozointsuak diren arrastoak gera daitezkelako. Ur gaziarekin garbitu behar da, hoztu (konpresa heze batean edo izotz pusketak dituen poltsa batekin) eta mindurik dagoen gunea deskantsuan eduki. Eta osasun-zentro batera abiatzea komeni da.
Bestalde, Gurutze Gorrikoek azaltzen dutenez “bandera horia” jar daiteke marmoka kopuruen eta ziztaden arabera. Marmoken izurria agertuko balitz bandera gorria jarriko litzateke.
