03 de julio de 2020
Facebook
Twitter
Instagram
TODA LA INFORMACIÓN Y AGENDA DE DONOSTI
PORTADA / ENTREVISTAS / REPORTAJES / ESPECIALES / GALERÍAS DE FOTOS
INF. GENERAL . DEPORTES . CULTURA . TURISMO . GASTRONOMÍA . SUCESOS . EL TIEMPO . AGENDA
BLOGS: MODA / MÚSICA / CULTURA VASCA
Logo
## Agenda
VER TODOS LOS EVENTOS
TODAS LAS NOTICIAS
Todo preparado para el inicio del curso 2020-2021 en Deusto
## DonostiTxikia
TODAS LAS NOTICIAS
Educando en igualdad con Juliette y Nerea Kortabitarte
## Lo + visto
DE LA SEMANA

Pasaia: ‘Ezekieltz’ batelaren uretaratze alaia, 1940ko beste ontzi baten erreplika

Uretaratze egunaren irudia. Argazkia: Albaola.
10 Abr.19
Tiempo de lectura: < 1 minuto
Albaola elkartearen Aprendiztegi ontzigintza eskolak egin du; azken hau 2017 urtean jaio zen galzorian dagoen lanbide honi etorkizuna emateko asmoz

‘Ezekieltz’ batelaren uretaratzea burutu du gaur Albaola elkarteak Pasaiako uretan, Aprendiztegi ontzigintza eskolako ikasleen eskutik. ‘Maribeltz’ izeneko euskal batelaren erreplika da, Getarian 1940 urtean eraikia. ‘Ezekieltz’ Aprendiztegiko ikasleek eraikitako laugarren ontzia da, bere aurretik jatorri irlandarreko Waterwag bat, estatu batuetako Shellback dinghy bat eta Atturriko Couralin bat eraiki bait dituzte.

Pasaiako Itsas Kultur Faktoriaren eraikinetik bi ontziak, batel berria eta zaharra, eskutan abiatu dira Ondartxo pasealekutik eta uretaratzea egin dute trikiti doinuaz eta kalejira batez lagunduta. Talde horretan zihoazen besteak beste Andoni Etxarri, gaur egun ‘Maribeltz’ ontziaren jabea dena, eta itsas ondarearekin lanean ari diren zenbait eragile, esaterako Ziburuko Egurrezkoak elkartekoak.

Aurretik, Xabier Agote Albaolako presidenteak hitz batzuk zuzendu dizkie Faktorian bertan bildutako gonbidatu eta ikasleei. Bere esanetan, Albaolarentzat oso garrantzitsua da Aprendiztegiren proiektua; ikasleak zoriondu ditu ere egindako lanarengatik, eta ontzi txikien garrantzia eta funtzio historikoa azpimarratu du.

Segidan Javier Vizcayak hitz egin du, ontziaren eraikuntzaren ardura izan duen ikaslea. Eskolak egiten duen lan kolektiboa goraipatu du. Gaur San Ezekiel eguna da, eta bere aitonaren izena izanik, ontzi berriari ‘Ezekieltz’ izena jarri dio berak. Azkenik, Jon Maia bertsolariak bertso bat bota ditu batel berriaren aurrean.

Lanbide baten erreskatea
Aprendiztegi Albaolak 2017an sortu zuen Albaola elkarteak galzorian dagoen lanbide honi etorkizuna eman asmoz. Urtean soilik sei ikasle hartzen ditu eta ikasketa metodologia berritzailea du, ikasleen motibazioan eta hezkuntza esperientzialean oinarritua. Hiru urteko goi mailako ikasketa ziklo integrala eskaintzen du eta, iaz, bigarren promozioa gehitu zitzaien jadanik abian ziren lehenengokoei.

Aprendiztegiko ikasleek ondare balioa duten ontziekin lan egiteko aukera dute eta ontzi horietako bat da ‘Maribeltz’, euskal tipologiako zurezko batel tradizionala. 1940 urte inguruan eraiki zuen Emilio Irigoienek bere ontziolan, Getarian (Gipuzkoa), eta Albaolako arotzek 2011. urtean zaharberritze lanak egin zizkioten.

Escribir comentario