Bi hektarea erre ziren atzo, Artikutzan, sute baten ondorioz. Bertako zaindari batek ohartarazi zuen 19.00ak aldera sua zegoela Beltzuntza eta Gerasoko Ataka artean, Arantza udalerriaren mugatik gertu. Sua belardietan hazten diren sastrakak erretzeko sortu zela uste dute arduradunek. Donostiako Udaletxeak esan duenez, sutea izan zela baieztatu ondoren, SOS Nafarroari abisua eman zitzaion eta dagokion dispositiboa […]
Bi hektarea erre ziren atzo, Artikutzan, sute baten ondorioz. Bertako zaindari batek ohartarazi zuen 19.00ak aldera sua zegoela Beltzuntza eta Gerasoko Ataka artean, Arantza udalerriaren mugatik gertu. Sua belardietan hazten diren sastrakak erretzeko sortu zela uste dute arduradunek.
Donostiako Udaletxeak esan duenez, sutea izan zela baieztatu ondoren, SOS Nafarroari abisua eman zitzaion eta dagokion dispositiboa martxan jarri zuten. 20:00ak aldera, Nafarroako Suhiltzaileak eta Goizuetako boluntarioak bertaratu ziren eta bi ordu igaro baino baino lehen itzali zuten sua.
Kaltetutako eremuak, oteak eta txilarrak dauden larreak dira. Sua belardietan hazten diren sastrakak erretzeko sortu zela uste dute arduradunek.
Donostiako Udaletxea, Nafarroako gobernuarekin batera, mota horretako lursailak modu kontrolatuan erretzea baimentzeko aukera lantzen ari da, atzokoa bezalako kontrolik gabeko suak saihesteko; kontrolik gabe heda daitezkeenak eta pertsonen eta finka naturalaren beraren segurtasuna arriskuan jartzen dutenak.
