Puntueus Fundazioak eta EHUko Informatika Fakultateak, Gipuzkoako Foru Aldundiaren babesarekin, abian jarri dute VI. Gladys Saria.
Sariaren helburua da ingurune digitalean lanean ari diren emakume gazte euskaldunen lana aitortzea, erreferente berriak sortuz eta emakumeen presentzia teknologia arloan sustatuz.
Gladys del Estalen omenez sortutako sariak aurreko edizioetan hainbat profesional saritu ditu, eta emakume teknologoen sarea indartzen jarraitzea du helburu.
Aurtengo edizioan 40 urte arteko emakumeek parte hartu ahal izango dute, ingurune digitaleko edozein arlotan lan egiten badute. Hautagaitzak aurkezteko epea ekainaren 1era arte egongo da zabalik, eta www.gladyssaria.eus webgunean egin daiteke izen-ematea.
Epaimahaiak, besteak beste, hautagaien ibilbide profesionala, etorkizuneko proiekzioa eta sektorean inspiratzeko gaitasuna baloratuko ditu. Irabazleak 4.000 euroko saria jasoko du.
Deja un comentario