Chillida Lekuk udako arratsaldeetarako proposamen berria jarri du martxan, museoa, gastronomia eta musika uztartuz. Tardeo en Chillida Leku izeneko ekimena Lurra Caféko terrazan egingo da ostegun, ostiral eta larunbatetan, 17:00etatik 19:00etara, irailaren 12ra arte. Arratsalde bakoitzak tematika eta musika-estilo desberdina izango du, eta terrazaz gain inguruko berdeguneetan ere egongo dira mahai altuak.
Sarrerak 7 euro balioko du, bai aldez aurretik webgunean erosita, bai Lurra Caféko barran. Prezioaren barruan edari bat eta Basatxerriko saltxitxoia, Idiazabal gazta ketua, gazta urdina eta ogi-makilatxoak sartzen dira. Museoa ere bisitatu nahi dutenek, berriz, 15:00etatik aurrera arratsaldeko tarifa murriztua, 10 eurokoa, izango dute eskuragarri.
Deja un comentario