Donostiako Orfeoiak eta Euskal Herriko Unibertsitateak (EHU) ostiralean banatu zituzten Donostiako Orfeoia–EHU Sarien XXV. edizioko aitortzak, Miramar Jauregian, EHUren Uda Ikastaroen barruan egindako ekitaldian.
Aurtengo edizioan, Nerea Erbiti Larralde ikertzailea saritu dute musika-ikerketaren alorrean, La afinación neutra en el canto monódico vasco. Un análisis de las grabaciones a presos vascos en Alemania durante la Primera Guerra Mundial (1916-1917) lanagatik. Bestalde, Benito Lertxundi kantariaren eta Arturo Reverter musika kritikariaren ibilbidea aitortu dute, musikaren garapenari, zabalkundeari eta ezagutzari egindako ekarpenagatik.
Sariaren 25. urteurrena dela eta, mahai-inguru berezi bat ere egin zuten, sariaren bilakaera eta urte hauetan izan duen eragina aztertzeko. Jon Bagüések gidatutako solasaldian José Luis de la Cuesta eta aurreko edizioetako saridun Eli Arabaolaza, Gotzon Ibarretxe eta María Victoria Urruzolak parte hartu zuten.
Ekitaldiaren amaieran, Donostiako Orfeoiak hainbat obra interpretatu zituen, Juanpa Lizarza akordeoi-jotzailearen laguntzarekin, XXV. edizioari amaiera emanez.
Deja un comentario