Esther Ferrerren Poema de números primos #40 izango da San Telmo Museoko Nabarmendutako obraren programako hurrengo protagonista. Donostiako artistaren lana ekainaren 5etik azaroaren 1era arte egongo da ikusgai museoko arte historikoaren aretoan.
Hariz eta errotulagailuz mihise gainean egindako diptikoa 2025ean sortu zuen Ferrerrek eta San Telmok egindako azken erosketetako bat da. Lana artistak 70eko hamarkadaren amaieran abiatu zuen zenbaki lehenen inguruko serie esanguratsuaren parte da.
1960ko hamarkadatik praktika artistiko esperimentaletan aritu den Esther Ferrer arte performatiboaren erreferente nagusietako bat da eta sari ugari jaso ditu bere ibilbidean zehar.
San Telmo Museoak 2023an abiatu zuen Nabarmendutako obra programa, bere ezaugarri, berezitasun edo gaurkotasunagatik nabarmendu nahi diren piezak denbora batez lehen planoan jartzeko.
Deja un comentario