Gipuzkoako Foru Aldundiko Kultura eta Kirol Departamentuak emakumeentzako eskaladan hasteko programa bat sustatuko du Klimb Zarautz rokodromoarekin elkarlanean.
Ekimenaren helburua da emakume gehiago eskaladara hurbiltzea eta kirol honetan konfiantzaz hasteko espazio seguruak eskaintzea. Saioak maiatzaren 15ean, ekainaren 5ean eta ekainaren 12an egingo dira, 19:00etatik 21:00etara.
Programak eskaladako hastapen praktikoak, eduki teknikoak eta emakume erreferenteekin topaketak uztartuko ditu. Lehen jardunaldian Ainhize Belar eskalatzailearekin solasaldia egingo da, eta azken egunean erakustaldi txiki bat izango da.
Goizane Álvarez diputatuaren hitzetan, “emakume gehiago animatu nahi ditugu kirol-espazioak okupatzera eta eskaladaz modu seguru eta autonomoan gozatzera”.
Programaren prezioak 10 eta 20 euro artekoak izango dira, aukeratutako saioen arabera.
Izena emateko epea zabalik dago Klimb Zarautzen webgunean.
Deja un comentario