Gipuzkoako Foru Aldundiak 46 kilometroko bide-zorua berrituko du gaitasun handiko sarean

Gipuzkoako Foru Aldundiak 46 kilometroko bide-zorua berrituko du lurraldeko gaitasun handiko sarean, segurtasuna eta zirkulazio baldintzak hobetzeko helburuarekin. Lanak Bidegi foru elkartearen bidez egingo dira, eta 14,9 milioi euroko inbertsioa aurreikusten da 2026 eta 2027 urteen artean.

Jarduketak bi fasetan gauzatuko dira. 2026an, 21 kilometro inguru berrituko dira 13 zatitan banatuta, eta 2027an beste 25 kilometro konponduko dira, guztira aurreikusitako 46 kilometroak osatuz.

2026ko lanen artean, AP-8 autobidean, Bilborako noranzkoan 3,2 kilometro berrituko dira Mendaro, Elgoibar eta Eibar artean; eta Behobiarako noranzkoan, 2,4 kilometro Elgoibarren eta 4,3 kilometro Deban. AP-636an, Bergararako noranzkoan, 1,5 kilometro konponduko dira Ormaiztegi eta Ezkio-Itsaso artean, eta 925 metro Bergaran; Beasainerako noranzkoan, berriz, 1,6 kilometro Zumarragan. AP-1ean, Eibarrerako noranzkoan, hiru zatitan egingo dira lanak: 2,8 kilometro Arrasaten eta 1,9 kilometroko bi zati Bergaran. GI-20an, gainera, Errenteria eta Pasaia arteko 800 metro berrituko dira bi noranzkoetan.

2027an, berriz, beste 25 kilometrotan egingo dira lanak. AP-8an, Bilborako noranzkoan, 1,1 kilometro berrituko dira Zarautzen, 4,5 kilometro Zumaia eta Deba artean, eta kilometro bat Mendaron; Behobiarako noranzkoan, 660 metro Deban eta 3,9 kilometro Getaria eta Zarautz artean.

AP-1 autobidean ere esku hartuko da: Eibarrerako noranzkoan, 2 kilometro berrituko dira Eskoriatza eta Aretxabaleta artean, eta 2,1 kilometro Arrasate eta Oñati artean. Gasteizerako noranzkoan, beste bi zatitan egingo dira lanak: 2,1 kilometro Arrasate eta Aretxabaleta artean, eta 2 kilometro Aretxabaleta eta Eskoriatza artean.