«Baso-bainua naturan oinarritutako ongizate praktika bat da», azaldu du apirilaren 13an Ulia mendian Cristina Enea Fundazioak
antolatu duen basoko bainu-saioa zuzenduko duen Basona elkarteko Violeta Toranek (jarduera euskaraz izango da). Toranek dioenez, duela 40 urte Japonian garatzen hasi ziren praktika hauek, eta beren helburua da «zentzumenen bidez naturarekin
konektatzea». Horretarako, Basonatik, saioetan parte hartzen duten pertsonek basoak eskaintzen dituen estimuluak – soinuak, koloreak, testurak… – esperimentatzen saiatzen dira, hainbat azterlanen arabera onura fisiko zein mentalak ekartzen dituen praktika batean.
Lehenengoen artean, baso-bainuek «sistema immunologikoa indartzeko, osasun kardiobaskularra hobetzeko eta sedentarismoa saihesteko» balio dutela nabarmendu dezakegu, eta ekarpen mental nagusien artean, berriz, «estresa kudeatzen eta oroimena, kontzentrazioa, sormena eta intuizioa bezalako trebetasunak sustatzen» laguntzen duela.
Toranek argi utzi nahi du ‘shinrin yoku’ ez dela «mendian zehar ibilaldi bat edo landare eta animaliak identifikatzeko ibilbide bat», baizik eta haratago doala, parte hartzen duten pertsonak erlaxazio eta ongizate egoeretara eramaten baitituzte saioek,
naturak eskaintzen dizkigun tresnak bakarrik erabiliz. Gainera, basoko bainu-saioek dituzten onuren artean, Basonaren erantzunak abantaila sozialak nabarmentzen ditu, «talde-kohesioa eta interakzio soziala sustatzen baititu».
Baso-bainu saioa igandean izango da, apirilaren 13an, Ulia mendian, pertsonako 5 euroko kostua du eta aldez aurretik izena eman behar da Cristina Enea Fundazioaren webgunean, www.cristinaenea.eus (leku mugatuak).
Deja un comentario